Heildarfjöldi erlendra ferðamanna

Erlendir farþegar til Íslands 2014-2023

Heildarfjöldi erlendra farþega til Íslands var um 2,2 milljónir árið 2023, þegar allir innkomustaðir eru taldir.

Eins og sjá má af töflu hér til hliðar sem sýnir þróunina í fjölda farþega til landsins á 10 ára tímabili varð mikil aukning á farþegum til landsins framan af, eða  fram til 2018. Um 14% fækkun varð milli ára 2018-2019 en farþegafjöldinn dróst síðan verulega saman þegar kórónuveirufaraldurinn gekk yfir. Farþegum fjölgaði aftur á milli áranna 2021 til 2022 og árið 2023 var hann kominn nálægt því sem hann var metárið 2018.

Tölur fyrir Keflavíkurflugvöll og Norrönu er hægt að greina niður eftir þjóðerni.

*Áætlaðaður fjöldi fyrir Akureyrarflugvöll er 3.590 farþegar fyrir árið 2023 en tölur fyrir Reykjavíkurfugvöll liggja ekki fyrir vegna áranna 2022 og 2023. Þær vega ekki þungt í heildinni, eða minna en 0,5% sé mið tekið af síðustu árum.

Ferðamenn frá 1949

Heildarfjöldi erlendra ferðamanna með skipum og flugvélum 1949-2023 (Excel)

Fjöldi erlendra farþega með skemmtiferðaskipum

Til viðbótar eru farþegar skemmtiferðaskipa en þeir eru taldir sem dagsferðamenn. Árið 2023 komu rúmlega 300 þúsund farþegar með skemmtiferðaskipum til Faxaflóaahafna.

Skemmtiferðaskipin hafa viðkomu í höfnum hringunn í kringum landið. Í Mælaborði ferðaþjónustunnar má skoða upplýsingar um fjölda skemmtiferðaskipa og farþega á öllum höfunum landsins, unnið upp úr gögnum SafeSeaNet sem er eftirlitskerfi með umferð skipa.